राम कृष्ण हरी !!
"विठू तुझ्या दारी” हे माझं सहावं पुस्तक वाचकांच्या हाती सुपुर्त करताना मला अतिशय आनंद होत आहे. या आधी माझा “गोष्ट तुझी माझी” हा कविता संग्रह, “संवादाक्षरे” हा संवाद (लघुकथा) संग्रह, "कविताष्टक" हा आठ ओळींच्या कवितांचा संग्रह प्रकाशित झालेला आहे. या शिवाय मी ज्या ERP (Enterprise Resource Planning) क्षेत्रात काम करतो त्यासंबंधीचे दोन पुस्तकं प्रकाशित झालेले आहेत, अनुक्रमे "Microsoft Dynamics 365 FinOps - Fixed Price Project Revenue Recognition In-depth" आणि "Microsoft Dynamics 365 FinOps - Sales Order-based Project Revenue Recognition In-depth". ही सगळी पुस्तकं amazon वर उपलब्ध आहेत.
वारीहून परत आल्यावर वारीत आलेले अनुभव, वारीत भेटलेले वारकरी, त्यांच्याशी केलेली हितगुज, वारी साठी केलेली तयारी आणि वारी नंतर झालेले बदल या बद्दल मी बऱ्याच ठिकाणी अनुभव कथन केले. पण वेळेची तमा न बाळगता, संपुर्ण डिटेल मध्ये जे मला म्हणायचं आहे, जे विचार मला मांडायचे आहेत, मी वारीवरच्या ज्या कविता केल्या त्याबद्दल मला जे सांगायचं आहे ते सांगण्यासाठी मी ठरवलं की सगळ्या मुद्द्यांना न्याय मिळेल असं एक पुस्तकच लिहायला हवं. ह्या पुस्तकाचा घाट घालायचं आणखी एक कारण म्हणजे मला यात वारीत काढलेले बऱ्यापैकी फोटो समाविष्ट करायचे होते ज्यांनी वारी कशी होती हे दृक माध्यमातून देखील वाचकांना कळेल. या पुस्तकात वारीच्या वर्णनाशिवाय वारी मध्ये असताना आणि वारीनंतर सुचलेल्या बऱ्याच कविता आणि वारीचा खरा अनुभव करून देणारे आणि वारीशी संबंधित जवळपास १५०+ फोटोज आहेत.
आशा आहे आपल्याला हे पुस्तक आवडेल. हे पुस्तक e-book फॉरमॅट मध्ये प्रकाशित केलेलं आहे. ते amazon.in या संकेत स्थळावर उपलब्ध आहे. या लिंक (https://www.amazon.in/dp/B0CQD26GWZ) वर क्लिक करून तुम्ही हे पुस्तक खरेदी करू शकता. हे पुस्तक kindle वर आणि इतर e-book रिडर्स वरही वाचता येईल.
आपला नम्र
सारंग जयंत कुसरे
