घरी राहा तुम्ही गुमानं (पोवाडा)

डॉक्टर करी जीवाचे रान
पोलीसही उभा सीना तान
कर्मचारीही लावतोय प्रान
प्रशासनं ही लावतंय जी जान
एकचं विनंती तुम्हा सान
घरी राहा तुम्ही गुमानं जी जी जी !!
हो घरी राहा तुम्ही गुमानं जी जी जी जी जी हो !!!

कुठं नेऊन ठेवील हा रोग
प्रश्न एक विचारी अवघे जग
कुठवर टिकेल याची धग
काय होईल हा गेल्यावरी मग
प्रश्न अनुत्तरीत, परी रोकण्या हा श्वान
घरी राहा तुम्ही गुमानं जी जी जी !!
हो घरी राहा तुम्ही गुमानं जी जी जी जी जी हो !!!

लोक धाऊन येती मदतीला
एकमेकांच्या गरजेला साथीला
दिवसाढवळा अन रातीला
जसे काही तुमच्याच हो दिमतीला
थोडा ठेवा त्यांचा कि हो मान
घरी राहा तुम्ही गुमानं जी जी जी !!
हो घरी राहा तुम्ही गुमानं जी जी जी जी जी हो !!!

लोकहो ऐका देऊन तुम्ही कान
हा रोग जीवघेणा सैतान
थांबवण्या मृत्यु चे थैमान
वाढवण्या ऐक्याची शान
स्वतःचा वाटण्या अभिमान
घरी राहा तुम्ही गुमानं जी जी जी !!
हो घरी राहा तुम्ही गुमानं जी जी जी जी जी हो !!!

सारंग कुसरे